"Бавария" ярим ҳимоячиси Томас Мюллер УЕФA Суперкубогида "Севилья"ни мағлубиятга учратганидан сўнг ўз ҳиссиётлари билан ўртоқлашди. Учрашув Будапештда бўлиб ўтди ва мюнхенликлар фойдасига 2:1 ҳисоби билан якунланди, ғалаба голини "Бавария" қўшимча вақтда киритди — Хави Мартинес гол урди. Мюллер майдонда 120 дақиқа ҳаракат қилди.
«Кутилганидек, «Севилья» қийин рақиб эди. Уларда кўп имконият йўқ эди, аммо пенальтидан урилган гол туфайли ҳисобни очишди ва шундан сўнг биз ўйинни кучайтиришга мажбур бўлдик. Биз оптимал ўйнамадик ва айниқса учрашув бошида суст ҳаракат қилдик. Иккинчи бўлимда эса ҳақиқий "Бавария" майдонга тушди. Тортдаги ширинлик, албатта, бизнинг Мистер Суперкубогимиз — Хави Мартинеснинг голи бўлди", — дея Мюллернинг сўзларини келтиради "Бавария" матбуот хизмати.
