Angliya chempionatining 3-turidan o‘rin olgan eng qiziqarli uchrashuvlardan biri bo‘ldi. «Chelsi» safarda "Vest Bromvich" mehmoni bo‘ldi. Lempard shogirdlari birinchi bo‘limda o‘ta qiyin ahvolga tushib qolib, ikkinchi taymda qahramonlarcha mag‘lubiyatdan qutulib qolishga muvaffaq bo‘ldi.

Londonliklar o‘yin boshidanoq to‘p nazorati bo‘yicha ustunlikka ega bo‘lgan bo‘lsalar-da, mezbonlar tanaffusga qadar qarshi hujumda "Chelsi" darvozasiga 3 marta yo‘l topishdi.

"Ko‘klar" kambekni 55-daqiqadan boshlashdi. Maunt dastlabki javob to‘piga mualliflik qilgan bo‘lsa, oradan 15 daqiqa o‘tib Xadson-Odoi ikkinchi to‘pni "Vest Brom" darvozasiga joyladi. O‘yinga qo‘shib berilgan uchinchi daqiqada esa Temmi Abraxam hisobni tenglashtirishga muvaffaq bo‘ldi.

Ushbu durang tufayli "Vest Bromvich" mavsumdagi ilk ochkosini qo‘lga kiritgan bo‘lsa, "Chelsi"ning ochkolari 4taga yetdi.

APL, 3-tur
Vest Bromvich – Chelsi 3:3 (3:0)
Gollar: 1:0 – 4 Robinson, 2:0 – 25 Robinson, 3:0 – 27 Bartli, 3:1 – 55 Maunt, 3:2 – 70 Xadson-Odoi, 3:3 – 90 Abraxam.
Vest Bromvich – Jonston, Bartli, O`SHi, AJayi, Ferlong, Livermor, Diangana (Fillips, 74), Mateus Pereyra (Fild, 90), Soyers, Robinson (Robson-Kanu, 66), Taunsend.
Chelsi – Kabalyero, Alonso (Aspilikueta, 46), Kristensen, Tiago Silva (Jiru, 73), Jeyms, Maunt, Kante, Xaverts, Kovachich (Xadson-Odoi, 46), Verner, Abraxam.
Ogohlantirishlar: Alonso (8), Jeyms (27), Ferlong (82), Kristensen (86).