Superliga 18-turi doirasida jamoamiz  safarda Buxoroning  “Buxoro” jamoasi mehmoni bo‘ladi.

Mazkur klublar Superliga (oliy liga) o‘yinlarida 57 marta bir-birlariga qarshi maydonga tushishgan. Ushbu 57ta bahsdan 32tasida jamoamiz g‘alaba qozongan bo‘lsa, 16ta uchrashuvda buxoroliklar zafar quchishgan, 9ta o‘yinda esa tomonlar durangga imzo chekishgan.

“Navbahor” shu kunga qadar o‘zaro bahslarda 105ta to‘p kiritib, o‘z darvozasidan 62 marta to‘p olib chiqqan. Ushbu klublarning o‘zaro o‘yinlarida namanganliklar 105 ochkoni, “Buxoro” esa 57 ochkoni qo‘lga kiritgan.

O‘zaro uchrashuvlardagi eng yirik hisob 2001 yili kuzatilgan. O‘sha yili Namanganda o‘tkazilgan o‘yinda “lochinlar” 6:1 hisobida g‘alaba qozonishgan. Buxoroliklar esa 2009 yilgi mavsumda jamoamizni 3:0 hisobida mag‘lubiyatga uchratishgan.
Shu kungacha Buxoroda bo‘lib o‘tgan 28ta bahsning 12 tasida mezbonlar, 10 tasida esa namanganliklar zafar quchishgan. Oltita uchrashuvda esa tomonlar durangga imzo chekishgan.

Eslatib o‘tamiz, “Buxoro” - “Navbahor” bahsi Muborak shahridagi “Bahrom Vafoyev” o‘yingohida 1 oktyabr kuni soat 17:00da start oladi.

“Navbahor” PFK matbuot xizmati.