“Metallurg” – “Andijon” (1:1) jamoalari uchrashuvidan keyingi matbuot anjumanining ikkinchi qismida mezbonlar bosh murabbiyi Andrey Shipilov qatnashdi.
- Bu yilgi mavsumdagi eng yomon o‘yinimizni o‘tkazdik. Imkoniyatlarimizning ellik foizini ham ishga sololmadik. Chiroyli gol urdik, keyin esa o‘yinimiz to‘xtab qoldi, qo‘rqib to‘p surdik, tartibsiz o‘ynadik. “Andijon” esa o‘zining yaxshi xislatlarini namoyish etdi. “Andijon” haqli ravishda durangga erishdi. Biz esa g‘alabaga loyiq emasdik. Qayd etilgan natijani haqqoniy deb hisoblayman.
Abdulhaqov jarohat oldi, Andreevni almashtirdik, majburiy o‘zgarish esa o‘zini oqlamadi. Qolgan o‘zgarishlar haqida ham iliq fikrlarni aytishim qiyin. Bugun jamoamizda qolganlarni ortidan ergashtira oladigan yetakchi futbolchi yetishmadi", - deydi Andrey Sergeevich.
