Taniqli rus futbol sharhlovchisi Gennadiy Orlov Eldor Shomurodovning «Jenoa» bilan shartnoma imzolagani haqida fikr bildirib o‘tdi.

“Bundan bir yarim yil avvalroq Eldorning futbol intillekti yuqori ekanligini meni xursand qilgani haqida aytgan edim. Gap shundaki, uning maydondagi intellekti istalgan rus hujumchisinikidan yaxshiroq! E’tibor bering, mening so‘zlarim o‘z tasdig‘ini topdi.

«Jenoa» Eldorni o‘z tarkibida ko‘rishga qaror qildi. Ular chempionatimizdagi rus hujumchilarini emas, aynan Shomurodovning transferini sotib olishdi. Bundan ko‘rinib turibdiki, men futbolni sal bo‘lsa ham tushunaman. Uning uchun xursandman. Eldor imkoniyatlari katta yigit.

Aslida O‘zbekistonda doimo iqtidorli futbolchilar bo‘lgan. Krasniski, Stadnik, Abduraimov… Ularda doimo ajoyib futbolchilar yetishib chiqqan. O‘zbek diyori doimo kuchli futbolchilarni yetkazib bergan. Sobiq sovet futbolidan xabardor insonlar «Paxtakor»ning shonli o‘tmishidan xabardor.