Ushbu ruknimizdagi eng so‘nggi yangiliklar bilan tanishtirishda davom etamiz.
Depay nega qoldi?
Xabaringiz bor, «Lion» hujumchisi Memfis Depay Kataloniyaning «Barselona» jamoasiga o‘tishga juda yaqin turgan edi, ammo bu transfer amalga oshmadi.
«Lion» klubi Prezidenti Jan-Mishel Olye ushbu vaziyatga oydinlik kiritishga qaror qildi.
Ochig‘i biz Depayni qo‘yib yuborishga tayyor edik. Barchasini vaqt izmiga qo‘yib berdik. Afsuski, Kataloniya klubi biz bilan aloqaga chiqmadi. Agar bu transferni amalga oshirish uchun imkon bo‘lganida, biz bunga qarshilik ko‘rsatmagan bo‘lar edik.«,-deb uning so‘zlaridan iqtibos keltirmoqda »,-Goal nashri.
Eslatib o‘tamiz, Depay yana bir mavsum «Lion» safida qolishga majbur.
«Roma»dan o‘zgacha yurish
Turinning «Yuventus» Klubi sport direktori o‘z klubini o‘zgartirishi mumkin.
"II Masaggero"nashrining ma’lum qilishicha, «Roma» klubi Fabio Paratichini o‘z tomonga og‘dirishni maqsad qilib qo‘ygan.
Manbaning ma’lum qilishicha, Rim klubi «Milan» bilan shartnoma imzolashga yaqin turgan murabbiy - Ralf Rangnik varianti ustida ham bosh qotirmoqda.
Romero MLSga yo‘l oladi?!
Angliyaning «Manchester Yunayted» jamoasi darvozaboni Serxio Romero faoliyatini MLSda davom ettirishga juda yaqin turibdi.
Goalnashrining ma’lum qilishicha, darvozabon «Everton»ga o‘tmoqchi edi, biroq transfer amalga oshmadi. Endilikda, o‘yin amaliyotisiz qolib ketmaslik uchun Romero okean ortiga yo‘l olishga qaror qilgan.
Manbaning ma’lum qilishicha, darvozabon bilan bir nechta AQSHning o‘rtamiyona klublari qiziqib qolgan.
Upamekano kechiktiriladi
Angliyaning «Manchester Yunayted» klubi Dayot Upamekanoni qo‘lga kiritish borasida barcha imkoniyatlarni saqlab qolmoqda.
"Mirror" nashrining ma’lum qilishicha, futbolchining agenti kelasi mavsumda mijozini 38 million yevro evaziga boshqa klubga o‘tishini rasman e’lon qildi.
Manbaning ma’lum qilishicha, kelasi mavsumda «RB Leypsig» Upamekanoni kuch bilan ushlab qolish imkoniyatiga ega emas. Jamoa shartnoma bandiga ko‘ra, 38 million tovon puli evaziga Upamekanoni qo‘yib yuborishga majbur.
Ma’lumotlarga qaraganda, himoyachi shu banddan foydalangan holda grand klublardan biri bilan shartnoma imzolash niyatida.
Roshi qoladimi?
"Flamengo" «Spartak» klubi bilan Pedro Roshining ijarasi borasida aloqaga chiqdi.
Klub rasmiy saytining ma’lum qilishicha, «Flamengo» hujumchini yana bir mavsum jamoada qolishi uchun Moskva klubiga 2 million yevro taklif qilmoqda.
Ma’lumotlarga qaraganda, «Spartak» o‘z futbolchisini to‘liq 10 million yevrogagina qo‘yib yuborishga rozi.
