Germaniya terma jamoasi futbolchisi Kay Xavers Millatlar Ligasining 4-tur doirasida Shveysariya terma jamoasiga qarshi bo‘lib o‘tgan uchrashuv haqidagi fikrlari bilan o‘rtoqlashdi.

«Uchrashuv mobaynida bir necha marotaba o‘yinga qaytdik. Ushbu oqshom terma jamoamiz uchun oson bo‘lmadi. Tarkibimizda juda ko‘p yosh futbolchilar bor, biz haliyam shakllanish davrini boshdan kechiryapmiz. Eng muhimi, jamoaning o‘yinga bo‘lgan to‘g‘ri munosabatda bo‘lishini ikkinchi bo‘limda ko‘rsatgan o‘yinimiz tasdiqladi. Himoyaviy o‘yinda o‘z ustimizda ishlashimiz kerak.

Biz har bir uchrashuvda uch ochko olish uchun maydonga tushishimizni unutmaslik kerak. Bugun biz o‘z xohishimiz va irodamizni namoyish etdik. Taslik bo‘lmaslik juda muhim edi.

Menga Verner va Gnabrilar bilan hujumda birga o‘ynash yoqadi. Shveysariya darvozasi oldida yetarlicha xavf tug‘dirdik. Ammo, biz bunday uchrashuvlarning natijasini qanday hal qilish kerakligini o‘rganishimiz kerak», — dedi Kay Xavers.