Германия терма жамоаси футболчиси Кай Хаверц Миллатлар Лигасининг 4-тур доирасида Швейцария терма жамоасига қарши бўлиб ўтган учрашув ҳақидаги фикрлари билан ўртоқлашди.
«Учрашув мобайнида бир неча маротаба ўйинга қайтдик. Ушбу оқшом терма жамоамиз учун осон бўлмади. Таркибимизда жуда кўп ёш футболчилар бор, биз ҳалиям шаклланиш даврини бошдан кечиряпмиз. Энг муҳими, жамоанинг ўйинга бўлган тўғри муносабатда бўлишини иккинчи бўлимда кўрсатган ўйинимиз тасдиқлади. Ҳимоявий ўйинда ўз устимизда ишлашимиз керак.
Биз ҳар бир учрашувда уч очко олиш учун майдонга тушишимизни унутмаслик керак. Бугун биз ўз хоҳишимиз ва иродамизни намойиш этдик. Таслик бўлмаслик жуда муҳим эди.
Менга Вернер ва Гнабрилар билан ҳужумда бирга ўйнаш ёқади. Швейцария дарвозаси олдида етарлича хавф туғдирдик. Аммо, биз бундай учрашувларнинг натижасини қандай ҳал қилиш кераклигини ўрганишимиз керак», — деди Кай Хаверц.
