Angliyaning «Manchester Yunayted» klubi rahbariyati yana italiyalik murabbiy Massimiliano Allegrining xizmatiga qiziqish bildirishni boshladi, deya xabar tarqatmoqda Express. Italiya mutaxassis Ole Gunnar Sulsherning o‘rnini egallashi mumkin.
«MYU» o‘tgan mavsumda Sulsher o‘rniga Allegrining nomzodini ko‘rib chiqqan edi. Biroq, vaqt o‘tgach "qizil iblislar"ning qayd etgan natijalari iziga tushdi va norvegiyalik mutaxassis o‘z o‘rnida qolgan edi. Biroq, endi rahbariyat Allegrini olib kelish haqida bosh qotirishni boshladi. «MYU» APLning yangi mavsumini omadsiz boshladi va o‘tkazilgan uchta uchrashuvning ikkitasida mag‘lubiyatga uchradi.
«Yunayted» rahbariyati Sulsherning qayd etayotgan natijasidan qoniqmayapti. Ular transfer bozorida sarf qilingan mablag‘larni hisobga olgan holda, qayd etayotgan natija qoniqarsiz deya baholamoqda.
Agar «MYU» yutqazishda davom etsa, u holda Sulsher yaqin vaqtlar ichida egallab turgan lavozimidan ozod etiladi. Sulsherning o‘rniga birinchi nomzod sifatida Maurisio Pochettino ko‘rilmoqda. Agar argentinalik murabbiy bilan muzokara muvaffaqiyatsiz ko‘rinish olsa, u holda jamoa bosh murabbiyligiga Allegri olib kelinadi.
