Англиянинг «Манчестер Юнайтед» клуби раҳбарияти яна италиялик мураббий Массимилиано Аллегрининг хизматига қизиқиш билдиришни бошлади, дея хабар тарқатмоқда Express. Италия мутахассис Оле Гуннар Сульшернинг ўрнини эгаллаши мумкин.

«МЮ» ўтган мавсумда Сульшер ўрнига Аллегрининг номзодини кўриб чиққан эди. Бироқ, вақт ўтгач "қизил иблислар"нинг қайд этган натижалари изига тушди ва норвегиялик мутахассис ўз ўрнида қолган эди. Бироқ, энди раҳбарият Аллегрини олиб келиш ҳақида бош қотиришни бошлади. «МЮ» АПЛнинг янги мавсумини омадсиз бошлади ва ўтказилган учта учрашувнинг иккитасида мағлубиятга учради.

«Юнайтед» раҳбарияти Сульшернинг қайд этаётган натижасидан қониқмаяпти. Улар трансфер бозорида сарф қилинган маблағларни ҳисобга олган ҳолда, қайд этаётган натижа қониқарсиз дея баҳоламоқда.

Агар «МЮ» ютқазишда давом этса, у ҳолда Сульшер яқин вақтлар ичида эгаллаб турган лавозимидан озод этилади. Сульшернинг ўрнига биринчи номзод сифатида Маурисио Почеттино кўрилмоқда. Агар аргентиналик мураббий билан музокара муваффақиятсиз кўриниш олса, у ҳолда жамоа бош мураббийлигига Аллегри олиб келинади.