Angliyaning «Sautgempton» klubi bosh murabbiyi Ralf Xazenxyuttl APLning 5-tur doirasida «Chelsi» (3:3) klubiga qarshi bo‘lib o‘tgan uchrashuv haqidagi fikrlari bilan o‘rtoqlashdi.

«Biz qiziqarli, ajoyib gollarga boy o‘yin guvohiga aylandik. Birinchi bo‘limda o‘z o‘yinimizni ko‘rsata olmadik. O‘yinga tayyorgarlik ko‘rish uchun uncha ham ko‘p vaqtimiz yo‘q edi. Biroq, ikkinchi bo‘limda o‘sishga erishdik.

O‘yinda ustunlikka erishdik, ko‘proq to‘p bilan muomilada bo‘ldik va o‘yinni yaxshi nazorat qildik. O‘tkazib yuborgan gollarimiz juda oddiy bo‘ldi. Biz Verner va Xavertslarning tezliklarini bilamiz. Biroq, biz hisobni tenglashtirishga umid qildik va haqli ravishda ochko oldik.

Har bir o‘yinda o‘sishga harakat qilyapmiz. To‘pni yaxshi nazorat qildik, uchrashuv uchun yaxshi reja tuzdik, kuchli jamoaga qarshi o‘yinda ochko ishladik.

Uolkott bizga yordam bera olishini amalda isbotlay oldi. U gol kiritish uchun vaziyatga ega bo‘ldi. So‘nggi zarbasi o‘z g‘oyasidan uzoqroq edi, lekin Teo biz bilan birga ekanligidan xursandman», – dedi Xazenxyuttl.