Ispaniyaning «Sevilya» klubi bosh murabbiyi Xulen Lopetegi YECHL doirasida «Chelsi» (0:0) klubiga qarshi bo‘lib o‘tgan o‘yin haqidagi fikrlari bilan o‘rtoqlashdi.
«Biz bugun «Sevilya»ni yaxshi taraflarini ko‘rdik. Kuchli klubning tajribali futbolchilariga yetarlicha muammo tug‘dirdik. Ba’zida ulardan yakkakurashlarda ustunlik qildik. Biz juda yaxshi jamoaviy o‘yin namoyish etdik.
O‘yin istalgan natija bilan yakunlanishi mumkin edi, chunki qarshimizda jiddiy raqib turgandi. Ular istalgan paytda bizni jazolab ketishga qodir edi. Biz yuqori saviyalik o‘yin namoyish etishimiz kerak edi va buni uddalay oldik.
Gol urish har doim muhim, lekin biz gol kiritmadik. Biroq, bu endi birinchi tur ekanligini, oldimizda yana beshta o‘yin borligini unutmaslik kerak. Ularning har biri sinov bo‘ladi», – dedi Lopetegi.
