Испаниянинг «Севилья» клуби бош мураббийи Хулен Лопетеги ЕЧЛ доирасида «Челси» (0:0) клубига қарши бўлиб ўтган ўйин ҳақидаги фикрлари билан ўртоқлашди.

«Биз бугун «Севилья»ни яхши тарафларини кўрдик. Кучли клубнинг тажрибали футболчиларига етарлича муаммо туғдирдик. Баъзида улардан яккакурашларда устунлик қилдик. Биз жуда яхши жамоавий ўйин намойиш этдик.

Ўйин исталган натижа билан якунланиши мумкин эди, чунки қаршимизда жиддий рақиб турганди. Улар исталган пайтда бизни жазолаб кетишга қодир эди. Биз юқори савиялик ўйин намойиш этишимиз керак эди ва буни уддалай олдик.

Гол уриш ҳар доим муҳим, лекин биз гол киритмадик. Бироқ, бу энди биринчи тур эканлигини, олдимизда яна бешта ўйин борлигини унутмаслик керак. Уларнинг ҳар бири синов бўлади», – деди Лопетеги.