Angliyaning «Liverpul» klubi futbolchisi Jorjinyo Veynaldum jamoadoshi Fabinyo haqida fikr bildirdi.

«Fabinyo markaziy himoyachi ampluasida ajoyib harakat qildi. Menimcha, u ushbu pozisiyada harakat qilgan o‘yinlarning bittasida ham mag‘lubiyatga uchramadik. Ortimda mana shunday futbolchi o‘ynayotgani menga yoqadi.

Uning ko‘rsatgan o‘yiniga qaraganda, u butun faoliyati davomida markaziy himoyada o‘ynagandek ko‘rindi. Tarkibda bunday ko‘p qirrali futbolchiga ega bo‘lish juda yaxshi. Fabinyo – universal futbolchi. U murabbiy talab qilayotgan barcha vazifalarni a’lo darajada bajarmoqda. U «Liverpul»ning o‘yinlariga ijobiy ta’sir ko‘rsatmoqda, — dedi Jorjinyo Veynaldum.