Англиянинг «Ливерпуль» клуби футболчиси Жоржиньо Вейналдум жамоадоши Фабиньо ҳақида фикр билдирди.
«Фабиньо марказий ҳимоячи амплуасида ажойиб ҳаракат қилди. Менимча, у ушбу позицияда ҳаракат қилган ўйинларнинг биттасида ҳам мағлубиятга учрамадик. Ортимда мана шундай футболчи ўйнаётгани менга ёқади.
Унинг кўрсатган ўйинига қараганда, у бутун фаолияти давомида марказий ҳимояда ўйнагандек кўринди. Таркибда бундай кўп қиррали футболчига эга бўлиш жуда яхши. Фабиньо – универсал футболчи. У мураббий талаб қилаётган барча вазифаларни аъло даражада бажармоқда. У «Ливерпул»нинг ўйинларига ижобий таъсир кўрсатмоқда, — деди Жоржиньо Вейналдум.