Pyer-Emil Xyoybyerg jamoa bosh murabbiyi Joze Mourinyodan Yevropa Ligasining «Tottenxem» — «LASK» jamoalari o‘rtasidagi uchrashuvni tanaffus paytida tanbeh oldi.
O‘yindan keyin tashkil etilgan matbuot anjumanida Joze Mourinyo qayd etilgan natijadan xursand ekanligini yashirmadi.
Biroq, portugaliyalik mutaxassis tanaffus paytida kiyinish xonasida futbolchilar bilan jiddiy suhbat bo‘lganini ma’lum qildi. U Xyoybyergni misol tariqasida aytib o‘tdi.
Gap shundaki, Pyer-Emil birinchi bo‘limda ikki marta Zidanning fintidan ishlatdi, biroq, bu vaziyatda oddiyroq yechimdan foydalanish samaraliroq bo‘lar edi.
«Men unga ey, tinchlan, sen Zidan emasssan dedim. Men 100 foiz haq edim. Albatta, fint ishlatishdan qo‘rqmayotgani yaxshi, ammo, fintlarni ko‘ngil ochish uchun emas, balki foyda uchun ishlatish kerak», — dedi Mourinyo.
