Пьер-Эмиль Хёйбьерг жамоа бош мураббийи Жозе Моуриньодан Европа Лигасининг «Тоттенхэм» — «ЛАСК» жамоалари ўртасидаги учрашувни танаффус пайтида танбеҳ олди.
Ўйиндан кейин ташкил этилган матбуот анжуманида Жозе Моуриньо қайд этилган натижадан хурсанд эканлигини яширмади.
Бироқ, португалиялик мутахассис танаффус пайтида кийиниш хонасида футболчилар билан жиддий суҳбат бўлганини маълум қилди. У Хёйбьергни мисол тариқасида айтиб ўтди.
Гап шундаки, Пьер-Эмиль биринчи бўлимда икки марта Зиданнинг финтидан ишлатди, бироқ, бу вазиятда оддийроқ ечимдан фойдаланиш самаралироқ бўлар эди.
«Мен унга эй, тинчлан, сен Зидан эмасссан дедим. Мен 100 фоиз ҳақ эдим. Албатта, финт ишлатишдан қўрқмаётгани яхши, аммо, финтларни кўнгил очиш учун эмас, балки фойда учун ишлатиш керак», — деди Моуриньо.
