«RB Leypsig» bosh murabbiyi Yulian Nagelsmann Yevropa chempionlar ligasi 2-turi doirasida bo‘ladigan «Manchester Yunayted»ga qarshi o‘yin arafasida o‘z fikrlari bilan o‘rtoqlashdi.

«Manchester Yunayted» «PSJ»ni mag‘lub etib, Chempionlar ligasini yaxshi boshladi. Lekin biz ham musobaqada yaxshi start oldik. SHUning uchun «Manchester Yunayted»ni mag‘lub etishimizga ishonchim komil.

Raqibni har doim to‘liq baholashning imkoni yo‘q. Ular «Chelsi»ga qarshi o‘yinda chuqur himoyalanishdi, ammo «PSJ»ga nisbatan bosim o‘tkazishdi. Bugun esa mazkur ikki uslubning aralashmasini ko‘rsak kerak. Raqib jamoa ko‘p xislatlarga ega va juda tajovuzkor», — dedi Nagelsmann

«Manchester Yunayted» — «RB Leypsig» uchrashuvi 28 oktyabrdan 29 oktyabrga o‘tar kechasi Toshkent vaqti bilan 01:00da boshlanadi.