Italiyaning «Inter» klubi yarim himoyachisi Kristian Eriksen nima uchun kam maydonga tushayotganligi haqidagi savolga javob qaytardi.
«Bu haqda jamoa bosh murabbiyi Antonio Kontedan so‘rang. Unga qo‘ng‘iroq qiling va gaplashib oling, chunki, u qaror qabul qiladi.
Futbolda yuksalish va sho‘ng‘ish holatlari bo‘ladi, faqatgina bir necha nafar futbolchigina muntazam ravishda yuqorida yurishi mumkin. Tanqidlarga e’tibor qaratmay qo‘yganim yaxshi bo‘ldi, chunki, har kimning o‘z fikri bor.
Atrofdagi insonlarga ishonish kerak, qolganlarni so‘ziga quloq solmaslik kerak», – dedi Eriksen.
