Angliyaning «Manchester Siti» klubi bosh murabbiyi Pep Gvardiola jamoaning YECHLdagi istiqboli haqida fikr bildirdi.

«Bu yerda qiyin, juda qiyin. Gapimni tasdiqlaydigan juda ko‘p misollar bor. Bu yerda ko‘proq tayyorgarlik ko‘rgan murabbiylarga qarshi o‘yinlar ko‘proq. Murabbiylar nima qilishni biladigan o‘yinlar ko‘p bo‘ladi.

Bu yerdagi jamoalar kuchli. Bu yerdagi bir nechta jamoada emas, har bir jamoada katta mablag‘ bor. Ko‘pchilikda kuchli futbolchilarni sotib olish imkoniyati bor.

Bu qiyin. O‘tgan mavsumdagi «Atalanta»ni natijalariga qarang, YECHLning 1/2 finaliga yetib bordi va A Seriyaning chempionligi uchun kurash olib bordi. Bu juda ajoyib. «Shaxtyor»ni «Real»ga qarshi ko‘rsatgan o‘yinini qarang, keyin ular «Inter» bilan durang o‘ynadi. Bu absurd, avvallari bunaqa bo‘lmasdi.

Pley-offga chiqish qiyin. Har safar pley-offga chiqqanimizda men futbolchilarga: «Tabriklayman, ushbu lahzadan zavq olinglar»-deyman. Guruhdan keyingi bosqichga yo‘l olish – mavsumdagi muvaffaqiyat», – dedi Gvardiola.