Italiyaning «Yuventus» klubi bosh murabbiyi Andrea Pirlo YECHLning 3-tur doirasida «Ferensvarosh» klubiga qarshi bo‘lib o‘tadigan uchrashuv haqidagi fikrlari bilan o‘rtoqlashdi.
«Ochko juda ham muhim, lekin eng asosiysi – o‘z loyihamiz ustida ishlashda davom etish. Biz to‘pni va o‘yinni nazorat qilishimiz kerak. Bu bizning g‘alaba qozonishimizga qo‘shimcha kuch beradi.
Kyellini mashg‘ulotlarda yaxshi ishtirok etdi. U jarohatdan keyin to‘liq tiklandi va ertaga maydonga tushishi mumkin bo‘lgan futbolchilar ro‘yxatidan joy oladi.
Dibalada ham hammasi joyida, bugun u bilan gaplashdim. O‘tkazilgan uchta uchrashuvdan keyin charchoq alomatlari borligi tabiiy. Biroq, unda hammasi joyida, u ishlashi kerak va jismoniy holatini yaxshilashi shart. U biz uchun muhim va bizga mavsum mobaynida yordam beradi.
Balki ertaga Dibala yakshanba kuni «Lasio» klubiga qarshi bo‘ladigan o‘yindan oldin dam olar, lekin u yakshanba kungacha tayyor bo‘lishi kerak. Bizda keng tarkib mavjud va futbolchilarga tiklanish imkoniyatini berishga tayyormiz.
Maydonga kim tushishi muhim ahamiyat kasb etmaydi. O‘yinimiz uslubi o‘sha-o‘sha qoladi», – dedi Pirlo Sky Sport Italia.
