«Groningen» yarim himoyachisi Aryen Robben jarohat tufayli dekabr oyigacha safdan chiqdi. Bu haqda klub rasmiy sayti xabar tarqatdi.

36 yoshli futbolchi mazkur yozda faoliyatini qayta boshlab, «Groningen» bilan bir yillik shartnoma imzolagan edi. Hozirda niderlandiyalik futbolchi jismoniy tayyorgarlik bo‘yicha muammolarga duch kelmoqda. Shu bois, navbatdagi bir necha haftani o‘tkazib yuboradi.

Robben «Groningen» tarbiyalanuvchisi hisoblanadi. Aryen mazkur jamoa safidagi so‘nggi golini 2002 yilning 28 aprel kuni urgan edi.

Yarim himoyachi faoliyati davomida «Chelsi», «Real» va «Bavariya» klublari sharafini himoya qilgan. Robben 2019 yilda futbolchilik faoliyatini yakunlaganini e’lon qilgan edi.