Menxengladbaxning «Borussiya» klubi sardori Lars Shtindl Kiyevda «Shaxtyor» (6:0) ustidan qo‘lga kiritilgan g‘alaba haqidagi fikrlari bilan o‘rtoqlashdi.

«O‘yinning ajoyib tarzda o‘tkazdik deb o‘ylayman. Biz dastlabki soniyalardanoq bor e’tiborimizni o‘yinga qaratdik va ravibning nafas olishiga yo‘l qo‘ymadik. Hujumda sovuqqonlik bilan o‘ynashga harakat qildik va buni uddaladik.

Albatta, bizning foydamizga ko‘p narsa bo‘ldi. Biz deyarli barcha vaziyatlarimizdan foydalana oldik, o‘yinni nazorat qildik va o‘yinning oxirgi daqiqalarigacha yaxshi o‘yin namoyish etdik. Juda yoqimli. Biroq, yana uch haftadan keyin bu ishni yana qaytadan qilish kerakligini bilamiz.

Biz aynan qanday futbol xohlashimizni bugungi o‘yin ko‘rsatib berdi. «Inter» va «Real» klublariga qarshi o‘yinlardan farqli o‘laroq, shubhalarni yo‘q qilishga erishdik. Biz ishtiyoq yuqori darajada ushlab turdik, «Shaxtyor»ga yuqori pressing uyushtirdik va hujumlarda faol qatnashdik», – dedi Shtindl.