Менхенгладбахнинг «Боруссия» клуби сардори Ларс Штиндль Киевда «Шахтёр» (6:0) устидан қўлга киритилган ғалаба ҳақидаги фикрлари билан ўртоқлашди.

«Ўйиннинг ажойиб тарзда ўтказдик деб ўйлайман. Биз дастлабки сонияларданоқ бор эътиборимизни ўйинга қаратдик ва равибнинг нафас олишига йўл қўймадик. Ҳужумда совуққонлик билан ўйнашга ҳаракат қилдик ва буни уддаладик.

Албатта, бизнинг фойдамизга кўп нарса бўлди. Биз деярли барча вазиятларимиздан фойдалана олдик, ўйинни назорат қилдик ва ўйиннинг охирги дақиқаларигача яхши ўйин намойиш этдик. Жуда ёқимли. Бироқ, яна уч ҳафтадан кейин бу ишни яна қайтадан қилиш кераклигини биламиз.

Биз айнан қандай футбол хоҳлашимизни бугунги ўйин кўрсатиб берди. «Интер» ва «Реал» клубларига қарши ўйинлардан фарқли ўлароқ, шубҳаларни йўқ қилишга эришдик. Биз иштиёқ юқори даражада ушлаб турдик, «Шахтёр»га юқори прессинг уюштирдик ва ҳужумларда фаол қатнашдик», – деди Штиндль.