"Qo‘qon-1912" jamoasining tajribali yarim himoyachisi Suhrob Berdiyev , superliganing 21-turidan o‘rin olgan AGMKga qarshi o‘yinda jiddiy jarohat olgan edi.
Shifokorlarning so‘nggi xulosalaridan ko‘ra Berdiyev jarrohlik stoliga yotishiga to‘g‘ri keldi. Toshkentdagi ortopediya va travmatologiya ilmiy tekshirish institutida o‘tkazilgan jarrohlik amaliyoti muvaffaqiyatli tarzda yakunlandi.
Bir necha daqiqa oldin Suhrob Berdiyev bilan video aloqa tarzida gaplashganimizda , Suhrob Berdiyev o‘zini yaxshi xis qilayotganini , hozirda ahvoli yaxshi ekanligini ta’kidlab o‘tdi. Shuningdek Berdiyev uning uchun xavotir olib , qayg‘urgan barcha insonlarga, jamoa rahbariyati, murabbiylar, futbolchilar hamda muxlislarga o‘zining minnatdorchiligini yetkazib qo‘yishimizni iltimos qildi.
Shifokorlarning ta’kidlashlaricha Berdiyevning operasiyasi yaxshi o‘tgan va u yana oyoqqa turib futbol muxlislarini o‘zining chiroyli o‘yinlari bilan xursand qila oladi. Faqat buning uchun ma’lum muddat talab qilinadi. U muddat esa taxminan 6-7 haftani tashkil qiladi.
Jamoamizning ahil oilasi nomidan Suhrob Berdiyevga yaratgandan shifo so‘raymiz !
