"Қўқон-1912" жамоасининг тажрибали ярим ҳимоячиси Суҳроб Бердиев , суперлиганинг 21-туридан ўрин олган АГМКга қарши ўйинда жиддий жароҳат олган эди.

Шифокорларнинг сўнгги хулосаларидан кўра Бердиев жарроҳлик столига ётишига тўғри келди. Тошкентдаги ортопедия ва травматология илмий текшириш институтида ўтказилган жарроҳлик амалиёти муваффақиятли тарзда якунланди.

Бир неча дақиқа олдин Суҳроб Бердиев билан видео алоқа тарзида гаплашганимизда , Суҳроб Бердиев ўзини яхши хис қилаётганини , ҳозирда аҳволи яхши эканлигини таъкидлаб ўтди. Шунингдек Бердиев унинг учун хавотир олиб , қайғурган барча инсонларга, жамоа раҳбарияти, мураббийлар, футболчилар ҳамда мухлисларга ўзининг миннатдорчилигини етказиб қўйишимизни илтимос қилди.

Шифокорларнинг таъкидлашларича Бердиевнинг операцияси яхши ўтган ва у яна оёққа туриб футбол мухлисларини ўзининг чиройли ўйинлари билан хурсанд қила олади. Фақат бунинг учун маълум муддат талаб қилинади. У муддат эса тахминан 6-7 ҳафтани ташкил қилади.

Жамоамизнинг аҳил оиласи номидан Суҳроб Бердиевга яратгандан шифо сўраймиз !