«Chelsi» bosh murabbiyi Frenk Lempard Chempionlar ligasi doirasida bo‘lib o‘tgan «Renn»ga qarshi o‘yin (3:0) borasida o‘z fikrini bildirib o‘tdi.

«Bugun o‘yindan zavq oldim. Bugun o‘z mehnatlarimiz samarasini ko‘rdik. Bugun har tomonlama ideal o‘yin namoyish etdik: bahsning boshlang‘ich qismini juda kuchli o‘tkazdik, kerakli paytda gol urdik va o‘yinni g‘alaba bilan yakunladik. Natijada ba’zi o‘yinchilarga o‘yin amaliyotini berdik.

Ikkinchi bo‘limni ham ishonchli tarzda o‘tkazdik. Raqib bir kishi kam bo‘lib qolgach, o‘z taktikasini o‘zgartirdi. Ammo oldinga o‘tish uchun munosib variantni topa olmadik.

Bizga qarshi kuchli raqib o‘ynadi, ammo maksimal darajada professional o‘ynadik. Bu kuchli va texnik jihatdan yaxshi shakllangan jamoa. Shu bois, xotirjamlikka berila olmasdik.

Beshta o‘yindan beri gol o‘tkazmayapmiz. Qilayotgan mehnatimiz o‘z samarasini berayotganidan xursandmiz. Bu seriya o‘yinchilarning o‘ziga bo‘lgan ishonchini oshiradi. Biz jamoaviy o‘yin borasida ko‘p ishlayapmiz», – dedi Lempard.