Ispaniya matbuotining tarqatgan ma’lumotiga qaraganda, Madridning "Real" klubi futbolchilari - Nacho va Karvaxal «Valensiya»ga qarshi bo‘ladigan o‘yinda maydonga tusha olishmaydi.
Biroq, har ikki futbolchi terma jamoalar sababli yuzaga keladigan tanaffus paytida jarohatlaridan forig‘ bo‘lishadi va tiklanib olishga ulgurishadi.
Ikki futbolchi ham ayni paytda maydonda yakka tartibdagi mashg‘ulotlarni olib borishni boshladi. Yaqin kunlar ichida jamoaning umumiy mashg‘ulotlariga qo‘shilishadi.
Yana bir himoyachi - Odriosola esa hozircha sport zalda shug‘ullanmoqda. "Real" murabbiylari "Valensiya"ga qarshi bo‘ladigan o‘yinda yana Lukas Vaskesni himoyachi pozisiyasiga qo‘yishlari kutilmoqda.
"Real" hamda "Valensiya" jamoalari o‘rtasidagi uchrashuv 8 noyabr kuni bo‘lib o‘tadi.
