Испания матбуотининг тарқатган маълумотига қараганда, Мадриднинг "Реал" клуби футболчилари - Начо ва Карвахаль «Валенсия»га қарши бўладиган ўйинда майдонга туша олишмайди.
Бироқ, ҳар икки футболчи терма жамоалар сабабли юзага келадиган танаффус пайтида жароҳатларидан фориғ бўлишади ва тикланиб олишга улгуришади.
Икки футболчи ҳам айни пайтда майдонда якка тартибдаги машғулотларни олиб боришни бошлади. Яқин кунлар ичида жамоанинг умумий машғулотларига қўшилишади.
Яна бир ҳимоячи - Одриосола эса ҳозирча спорт залда шуғулланмоқда. "Реал" мураббийлари "Валенсия"га қарши бўладиган ўйинда яна Лукас Васкесни ҳимоячи позициясига қўйишлари кутилмоқда.
"Реал" ҳамда "Валенсия" жамоалари ўртасидаги учрашув 8 ноябрь куни бўлиб ўтади.
