Myunxenning «Bavariya» klubi bosh murabbiyi Xans-Diter Flik Bundesliganing 7-tur doirasida Dortmundning «Borussiya»siga qarshi bo‘lib o‘tadigan uchrashuv haqida fikr bildirdi.
«Oldimizda klasiker turibdi («Bavariya» va «Borussiya» jamoalari o‘rtasidagi bahs Der-Klasiker deb nomlanadi – stadion.uz), butun dunyo tomosha qiladi. Bu qo‘shimcha motivasiya beradi.
Biz o‘zimizga ishonamiz va g‘alaba qozonish uchun barcha imkoniyatlarimizni ishga solamiz. Imkon qadar kamroq xato qilishga va raqibni bo‘sh hudud bilan ta’minlmaslikka intilamiz.
Sabrsizlik bilan kutyapman. Bunday o‘yinlar murabbiy, futbolchilar va muxlislarga zavq bag‘ishlaydi», – dedi Flik.
«Borussiya» va «Bavariya» jamoalari o‘rtasidagi bahs bugun bo‘lib o‘tadi.
