Kataloniyaning «Barselona» klubi futbolchisi Usmon Dembele «Manchester Yunayted»ning qishki transfer bozoridagi asosiy maqsadi bo‘lib turibdi, deya xabar bermoqda Mundo Deportivo.
Manbaning yozishiga qaraganda, «MYU» qishda futbolchini o‘z safiga qo‘shib olishga harakat qilib ko‘radi.
"Mankunianlar" 23 yoshli fransiyalik futbolchini avvaliga mavsum oxirigacha ijaraga olmoqchi, keyin esa to‘laqonli ravishda sotib olish niyatida. Bir necha oy oldin «MYU» Dembeleni o‘z safiga qo‘shib olishga harakat qilgandi, biroq, ushbu bitim yakunda amalga oshmay qolgandi.