Italiya chempionatining 7-turi doirasida "Milan" o‘z uyida "Verona"ni qabul qilib, mag‘lubiyatdan qutulib qoldi.

Mehmonlar dastlabki 20 daqiqa ichida "rossoneri" darvozasiga 2 marta yo‘l topishdi. Barak 6-daqiqada, Dzakkani esa 19-daqiqada milanliklar darvozasini ishg‘ol qilishdi.

Oradan ko‘p o‘tmay veronaliklar himoyachisi Manyanining avtogoli evaziga mezbonlar hisobni bittaga qisqartirishdi.

Bahsning 66-daqiqasida "Verona" darvozasiga belgilangan penaltini Ibrahimovich golga aylantira olmadi. O‘yinga qo‘shib berilgan 3-daqiqada Zlatanning o‘zi "Milan"ga bir ochko keltirgan gol muallifiga aylandi.

"Milan" ushbu durangdan so‘ng 17 ochko bilan peshqadamlikni saqlab qoldi.

Italiya chempionati, 7-tur
Milan – Verona 2:2 (1:2, 1:0)
Gollar: 0:1 – 6 Barak, 0:2 – 19 Dzakkani, 1:2 – 27, avtogol Manyani, 2:2 – 90 Ibrahimovich.
Noaniq penalti: Ibrahimovich (66)
Milan – Donnarumma, Kalabriya, Kyer, Gabbiya, Teo, Bennaser, Kessie, Salemakers (Rebich, 46), Chalxanoglu (Xeuge, 87), Rafael Leau (Braim Dias, 78), Ibrahimovich.
Verona – Silvestri, Lovato, Manyani (Chetin, 73), Chekkerini, Lazovich, Davidovich (Tamez, 63), Ilich (Udogi, 69), Dimarko, Barak, Dzakkani, Kalinich (Kolli, 64).
Ogohlantirishlar: Chekkerini (33), Lovato (42), Bennaser (54), Tamez (90).