Angliyaning "Manchester Siti" klubi bosh murabbiyi Xosep Gvardiola APL doirasida "Liverpul" (1:1) bilan qayd etilgan durang haqida fikr bildirdi.

"O‘yin bosim ostida o‘tdi, ular o‘yinni yaxshi boshladi va biz gol o‘tkazib yubordik. Ikkinchi bo‘limda bizda ko‘plab imkoniyatlar paydo bo‘ldi. Shu sababli, durang - adolatli natija. "Liverpul"ga qarshi himoyalanish oson emas, odatda ularning hujumchisi uchta edi, endi bo‘lsa to‘rttaga aylanishdi. Ularga qarshi o‘ynash oson emas, biz moslashdik va ko‘proq jasoratga ega bo‘ldik. Biz chiroyli gol urdik, afsuski, penaltidan foydalana olmadik. Gabriel Jezus uchta o‘yinda 3 ta gol urdi. U mashg‘ulotlarda ko‘p ishtirok etgani yo‘q, shuning uchun u o‘yinni yaxshi o‘tkazdi deyishimiz mumkin", - Gvardiolaning so‘zlaridan iqtibos keltirmoqda Sky Sports.