Англиянинг "Манчестер Сити" клуби бош мураббийи Хосеп Гвардиола АПЛ доирасида "Ливерпуль" (1:1) билан қайд этилган дуранг ҳақида фикр билдирди.

"Ўйин босим остида ўтди, улар ўйинни яхши бошлади ва биз гол ўтказиб юбордик. Иккинчи бўлимда бизда кўплаб имкониятлар пайдо бўлди. Шу сабабли, дуранг - адолатли натижа. "Ливерпул"га қарши ҳимояланиш осон эмас, одатда уларнинг ҳужумчиси учта эди, энди бўлса тўрттага айланишди. Уларга қарши ўйнаш осон эмас, биз мослашдик ва кўпроқ жасоратга эга бўлдик. Биз чиройли гол урдик, афсуски, пенальтидан фойдалана олмадик. Габриэл Жезус учта ўйинда 3 та гол урди. У машғулотларда кўп иштирок этгани йўқ, шунинг учун у ўйинни яхши ўтказди дейишимиз мумкин", - Гвардиоланинг сўзларидан иқтибос келтирмоқда Sky Sports.