Bugun Pro ligada 16-tur o‘yinlarining so‘nggi uchrashuvi bo‘lib o‘tadi. Tur doirasidan o‘rin olgan "Dinamo" - "Neftchi" bahsi Samarqanddagi "Dinamo" o‘yingohida soat 14:00 da boshlanadi. Mazkur bahs Futbol TV telekanali orqali jonli efirda namoyish etiladi
Pro liga. 16-tur
10 noyabr, seshanba
"DINAMO" – "NEFTCHI"
Hakamlar: Firdavs Norsafarov, Artyom Kalinin, Oybek Kalaxo‘jayev
Nazoratchi: Marat Ismoilov
Komissar: Erkin Baxtiyorov
O‘zbekiston chempionati doirasida jamoalar 48 marta o‘zaro bahs yuritishgan bo‘lib, bularning 46tasi Oliy liga va Superliga bellashuvlariga to‘g‘ri kelgan bo‘lsa, 2 ta o‘yin joriy yilning Pro liga bahslarida qayd etildi.
Farg‘onaliklar 48ta uchrashuvning 33tasida g‘alaba qozonishgan, 12ta o‘yinda «Dinamo»ning qo‘li baland kelgan. 3ta bellashuv durang bilan yakunlangan. To‘plar nisbati 88-40 «Neftchi» foydasiga.
Oliy liga va Superliga doirasida Samarqandda bo‘lib o‘tgan so‘nggi besh uchrashuv natijalari quyidagicha:
2020 y. «Dinamo»-«Neftchi» 0:1
2017 y. «Dinamo»-«Neftchi» 1:0
2015 y. «Dinamo»-«Neftchi» 0:1
2014 y. «Dinamo»-«Neftchi» 0:0
2013 y. «Dinamo»-«Neftchi» 2:0
Jamoalarning Pro ligadagi so‘nggi o‘zaro to‘qnashuvi shu yilning 25 sentyabr sanasiga to‘g‘ri keldi. Samarqandda bo‘lib o‘tgan ushbu bahsda «Neftchi» jamoasi 1:0 hisobida zafar quchgan golga Doston Avazbekov mualliflik qilgan.
