Pro liga 16-turi doirasida «Dinamo» Samarqandda azaliy raqibi «Neftchi»ni qabul qildi.

Sergey Lushchan jamoani tark etgach, shu kuni murabbiylar shtabidagi mahalliy mutaxassis Jasur Hamroyev qo‘l ostida maydonga tushdi.

Avvalgi o‘yin bilan taqqoslaganda asosiy tarkibda 7ta o‘zgarish bilan maydonga tushgan dinamochilar 53-daqiqada jamoa sardori Hakimxon A’lamxonovning bosh bilan yo‘llagan zarbasi bilan hisobni ochishdi – 1:0.

68-daqiqaga kelib raqib futbolchilari Oybek Nurmatovning jarimadan yo‘llagan zarbasini qo‘l bilan qaytarib qolishdi. Belgilangan penaltini Suhrob Nurulloyev golga aylantirdi – 2:0.

Yakunda muhim g‘alabaga erishgan «Dinamo» jamoasi ochkolari sonini 25taga yetkazdi va Superliga uchun kurashga qaytdi. «Neftchi» esa 31 ochko bilan peshqadamlik qilmoqda.

Pro liga. 16-tur.
10 noyabr (seshanba)
«Dinamo» - «Neftchi» - 2:0
Bosh hakam: Firdavs Norsafarov (Qarshi)
Gollar: Hakimxon A’lamxonov 53, Suhrob Nurulloyev 68 pen..
«Dinamo»: Farhod Rahmatov, Komil Sharofutdinov (Bekzod Ahmadjonov, 85), Hakimxon A’lamxonov, Obid Jo‘raboyev, Avaz Agaliyev, Bobur Qosimov, Damir Temirov (Azim Mirzayev, 46), Suhrob Nurulloyev (Eldor Boymatov, 70), Shohrux Abdurahmonov, Oybek Nurmatov (Sharofiddin Shobirov, 85), Amirjon Safarov (Azamat Allaniyozov, 85)
«Neftchi»: Sherzodbek Abduraimov, Sirojiddin Allayev, Eldor Ergashev (Pavel Smolyachenko, 60), Islombek Karimov (Rustamjon Abduhamidov, 60), Islomjon Toshpo‘latov, Jamshid Qobulov, Dostonbek Toshmatov, Doston Avazbekov, Umar Adhamzoda, Shodiyor Xojimatov, Otabek Zokirov (Mansur Saidov, 70).