«Manchester Yunayted» yoshlar tarkibi a’zosi Arnau Puignal grand klublar qiziqishi doirasiga tushgan. Asosiy da’vogar esa «Barsa».
«Ko‘kanorranglilar» yarimhimoyachi transferi uchun «qizil iblislar»ga murojaat qilishgan. Lekin asosiy kelishuv yanvarda amalga oshishi kutilyapti. Ta’kidlab o‘tish kerakki, bunga futbolchining o‘zi ham qarshi emas.
Puignal uchun Ispaniya begona emas. U «Espanyol» tarbiyalanuvchisi hisoblanadi. Bundan 3 yil avval ham unga «Barselona»dan taklif tushgan edi. Lekin u bunga rad javobini bergan. U hozirda 2017 yildan beri «MYU-23» jamoasida o‘ynab keladi.
Ma’lumot uchun, Puignal hali «mankunyanlar»ning birinchi jamoasidan chaqiruv olmagan bo‘lib, yoshlar jamoasida u joriy mavsum 3 gol urib, 2 golga hammualliflik qilgan.
