A Seriya prezidenti Paolo dal Pino koronavirus pandemiyasi natijasida ligaga yetkazilgan moliyaviy yo‘qotishlarni baholadi.
«Chempionatning tiklanishi katta muvaffaqiyat bo‘ldi. Vaziyat juda jiddiy. Fevral oyidan dekabr oyigacha A Seriya 600 million yevro zarar ko‘radi, ularning 400 million chiptalar savdosida, yana 200 million yevro homiylik shartnomalaridan.
Shu bilan birga COVID 19 bizning biznes modelimizni o‘zgartirish uchun imkoniyat bo‘lishi mumkin, hatto bunday vaziyatda biznesni modernizasiya qilish qiyin bo‘lsa-da.
Xususiy kapital mablag‘lari muhokamasi pandemiya oldidan boshlangan edi, endi biz muzokaralarning yakuniy bosqichida turibmiz.
Maqsad - A Seriyaning uzoq muddatli iqtisodiy barqarorligi uchun ularni boshqarish qobiliyatlaridan foydalanish», – dedi dal Pino.
