А Серия президенти Паоло даль Пино коронавирус пандемияси натижасида лигага етказилган молиявий йўқотишларни баҳолади.
«Чемпионатнинг тикланиши катта муваффақият бўлди. Вазият жуда жиддий. Февраль ойидан декабрь ойигача А Серия 600 миллион евро зарар кўради, уларнинг 400 миллион чипталар савдосида, яна 200 миллион евро ҳомийлик шартномаларидан.
Шу билан бирга COVID 19 бизнинг бизнес моделимизни ўзгартириш учун имконият бўлиши мумкин, ҳатто бундай вазиятда бизнесни модернизация қилиш қийин бўлса-да.
Хусусий капитал маблағлари муҳокамаси пандемия олдидан бошланган эди, энди биз музокараларнинг якуний босқичида турибмиз.
Мақсад - А Сериянинг узоқ муддатли иқтисодий барқарорлиги учун уларни бошқариш қобилиятларидан фойдаланиш», – деди даль Пино.
