Transfer olamidagi yangiliklar
«Liverpul»dan kutilmagan yurish
Angliyaning «Liverpul» jamoasi PSJ hujumchisi Kilian Mbappeni qo‘lga kiritishga qaror qildi.
“The Times” nashrining ma’lum qilishicha, «Mersisaydliklar» Kilianni qo‘lga kiritish maqsadida o‘zining hujum chizig‘idagi futbolchilardan birini transferga qo‘yishga ham tayyor. Manbaning ma’lum qilishicha, klub Firmino, Salah yoki Manelardan birini transferi evaziga bo‘lsada, Kilian bilan shartnoma imzolamoqchi.
Eslatib o‘tamiz, amaldagi JCH g‘olibining Parij klubi bilan tuzgan shartnomasi 2022 yilda o‘z yakuniga yetadi. Uni qo‘lga kiritishni istagan jamoa 100 million yevrodan voz kechishi lozim.
«Seltik» ishga kirishdi
Shotlandiyaning «Seltik» jamoasi «Manchester Yunayted» zaxira o‘rindig‘ida o‘tirgan Din Xendersonni qishda ijaraga olmoqchi.
Bu haqida “90 min” nashri ma’lum qilmoqda. Manbada yozilishicha, shotlandlar kiperga 100 foiz o‘yin amaliyoti taqdim etilishini rasman ma’lum qilishgan.
Eslatib o‘tamiz, Henderson «Manchester Yunayted» bilan tuzilgan shartnomani uzaytirdi va jamoaning asosiy darvozaboni bo‘lishga urinib ko‘radi.
Di Mariya ketadimi?
Parijning PSJ jamoasi yarim himoyachisi – Anxel Di Mariya faoliyatini Italiyada davom ettirishi hech gap emas.
Bu haqida “Tuttosport” nashri ma’lum qilmoqda. Manbaning ma’lum qilishicha, 2021 yilda futbolchining shartnomasi o‘z yakuniga yetadi. Shu bois, uni qo‘lga kiritishni istagan jamoalar soni ortib ketadi. Ular orasida asosiy favorit «Inter» va «Yuventus» bo‘lib turibdi.
Eslatib o‘tamiz, 32 yoshli futbolchining o‘zi Parij jamoasi bilan shartnoma imzolamoqchi emas. U yana bir mavsumdan so‘ng, vataniga qayishni rejalashtirmoqda.
Ramos trendda!
Madridning «Real» jamoasi sardori Serxio Ramos kelasi mavsumni Parij super klubida o‘tkazishi mumkin.
Goal nashrining ma’lum qilishicha, 34 yoshli himoyachi uchun PSJ ajoyib shartnoma tayyorlamoqda. Klub Ramosga yillik maoshi 16,8 million yevro bo‘lgan 3 yillik shartnoma taklif qiladi.
Eslatib o‘tamiz, agar futbolchi qishki transfer oynasiga qadar jamoasi bilan shartnoma borasida kelishuvga erishmasa, u istalgan jamoasi bilan shaxsiy shartnoma borasida muzokara olib borish huquqiga ega bo‘ladi.
«Yuve» o‘z uslubida
Turinning «Yuventus» jamoasi Gollandiyaning “Ayaks” klubi yarim himoyachisi bilan qiziqib qoldi.
18 yoshli Rayan Gravenber Gollandiyadagi eng iqtidorli futbolchilardan biri sanaladi. Unga shuningdek, boshqa grand klublardan ham takliflar bor.
«Yuventus» qishda uning transferi borasida muzokaralarni boshlaydi va katta ehtimol bilan kelasi mavsumni transferni amalga oshiradi.
Eslatib o‘tamiz, avvalroq «Barselona» jamoasi e’tibor markazida bo‘lgan futbolchining “Ayaks” bilan tuzgan shartnomasi 2023 yilga qadar mo‘ljallangan.
