Germaniya terma jamoasi bosh murabbiyi Yoaxim Lyov Ispaniya (0:6) terma jamoasidan qabul qilib olgan yirik hisobdagi mag‘lubiyatga izoh berdi.
«Hozir nimanidir tushuntirish qiyin. Barchasi teskari ketdi.
Ikkinchi bo‘limda o‘yinga qaytish uchun personal o‘yin namoyish etishga, ularga pressing uyushtirishga harakat qildik. Biroq, Ispaniya yaxshi tez va aniq o‘ynadi. Bizda imkoniyat bo‘lmadi. Bu qora kun.
Myuller, Boateng va Xummels? Biz terma jamoaga chaqirilgan futbolchilarga ishonishimizni bir necha marta aytdik va to‘g‘ri yo‘lda ekanligimizga ishonchimiz komil.
Bugun o‘zimiz o‘ylagandek va umid qilgandek tez rivojlanmayotganimizni ko‘rdik. Lekin, shunday bo‘lsa-da, ushbu futbolchilarga ishonishda davom etamiz.
Albatta, yechim topish uchun xohish bor. Bu mening qarzim», – dedi Lyov.
