Германия терма жамоаси бош мураббийи Йоахим Лёв Испания (0:6) терма жамоасидан қабул қилиб олган йирик ҳисобдаги мағлубиятга изоҳ берди.

«Ҳозир ниманидир тушунтириш қийин. Барчаси тескари кетди.

Иккинчи бўлимда ўйинга қайтиш учун персонал ўйин намойиш этишга, уларга прессинг уюштиришга ҳаракат қилдик. Бироқ, Испания яхши тез ва аниқ ўйнади. Бизда имконият бўлмади. Бу қора кун.

Мюллер, Боатенг ва Хуммельс? Биз терма жамоага чақирилган футболчиларга ишонишимизни бир неча марта айтдик ва тўғри йўлда эканлигимизга ишончимиз комил.

Бугун ўзимиз ўйлагандек ва умид қилгандек тез ривожланмаётганимизни кўрдик. Лекин, шундай бўлса-да, ушбу футболчиларга ишонишда давом этамиз.

Албатта, ечим топиш учун хоҳиш бор. Бу менинг қарзим», – деди Лёв.