Coca-Cola Superliganing 23-tur doirasidagi “Andijon” va “Mash’al” ishtirokidagi bellashuvdan so‘ng mehmonlar murabbiyi Dilyaver Vaniyev jurnalistlarning savollariga javob qaytardi:

"Bugun qiyin ob-havo sharoitidagi qiyin o‘yinni o‘tkazdik. Bunday qorli maydonda o‘ylagan rejalarni amalga oshirish og‘ir. Nima ham deyishim mumkin? Bu maydonda ikkala jamoa ham o‘ynadi. Shunga qaramasdan, yigitlarimiz qiyin sharoitda bo‘lsa-da, oxirigacha kurashishga harakat qildi.

Albatta, bizning bugungi o‘yin uchun rejalarimiz boshqacha edi. Ammo noqulay ob-havo sharoiti tufayli hammasi o‘zgarib ketdi. Afsuski, oxirgi daqiqalarda himoyada yo‘l qo‘ygan xatoimiz qimmatga tushdi.

Klubning moliyaviy holati haqida men javob bermayman. Mening ishim jamoani shug‘ullantirish va o‘yinga tayyorlash. Biz qo‘ldan kelganicha ushbu bahsga tayyorgarlik ko‘rdik.

Sardor Abduraimov nega zaxiradan maydonga tushdi? U mashg‘ulotga qo‘shilganiga hali ko‘p bo‘lmadi. Sardor bizning asosiy futbolchimiz. Bugun qayerdadir xato qilgandirmiz, hammasini ko‘rib chiqamiz", - dedi Vaniyev.