«Tottenhem» a’zosi Harri Keyn assistentlik borasida borgan sari o‘z pozisiyasini yaxshilab bormoqda.

Angliyalik hujumchi kecha bo‘lib o‘tgan «Manchester Siti»ga qarshi bahsda (2:0) Jovani Lo Chelsoning goliga hammualliflik qildi. Ushbu assist Keyn uchun ketma-ket 9 ta uchrashuvdagi 9-si hisoblanadi. Qayd etish kerakki, ushbu natija Premyer-liga rekordi hisoblanib, futbolchi deyarli har bir o‘yinda o‘z sermahsulligini borgan sari oshirib bormoqda.

Bu borada Keynning ta’qibchilari hali undan ancha ortda: Jek Grilish (5 ta), Jon Makginn (4 ta).