Angliyaning "Liverpul" klubi sobiq himoyachisi Jeymi Karrager «Lester» bosh murabbiyi Brendan Rodjers haqida iliq fikrlarni bildirdi.
«Brendan Rodjers - shubhasiz britaniyaning eng yaxshi murabbiyi. Ehtimol, Siz uning «Liverpul»da omadsiz faoliyati haqida fikr bildirishingiz mumkin, biroq mening fikrimcha, u klubda yaxshi ishlarni amalga oshirgan. So‘nggi 30 yilda erisha olmagan chempionlik uchun yaqin kelgandi.
U fantastik murabbiy, «Lester»da yaxshi ishlarni amalga oshirdi va o‘ylaymanki, uning keyingi ish joyi «Chelsi» yoki «Arsenal» bo‘lishi mumkin. Ehtimol, «Liverpul»ga qaytar yoki «Manchester Yunayted»ni boshqarar, ammo menimcha, u mamlakatning eng yaxshi jamoalarini boshqaradi. Balki, Angliya terma jamoasini boshqarar...», - dedi Karrager MailSport bilan suhbatda.