Англиянинг "Ливерпуль" клуби собиқ ҳимоячиси Жейми Каррагер «Лестер» бош мураббийи Брендан Роджерс ҳақида илиқ фикрларни билдирди.

«Брендан Роджерс - шубҳасиз британиянинг энг яхши мураббийи. Эҳтимол, Сиз унинг «Ливерпул»да омадсиз фаолияти ҳақида фикр билдиришингиз мумкин, бироқ менинг фикримча, у клубда яхши ишларни амалга оширган. Сўнгги 30 йилда эриша олмаган чемпионлик учун яқин келганди.

У фантастик мураббий, «Лестер»да яхши ишларни амалга оширди ва ўйлайманки, унинг кейинги иш жойи «Челси» ёки «Арсенал» бўлиши мумкин. Эҳтимол, «Ливерпул»га қайтар ёки «Манчестер Юнайтед»ни бошқарар, аммо менимча, у мамлакатнинг энг яхши жамоаларини бошқаради. Балки, Англия терма жамоасини бошқарар...», - деди Каррагер MailSport билан суҳбатда.