Coca Cola Superligasi 24-tur doirasidan o‘rin olgan  “Qo‘qon-1912”  - “Lokomotiv”  uchrashuvi  25 noyabr  kuni Qo‘qon shahrida bo‘lib o‘tadi. Mazkur bahs oldidan ushbu jamoalarning o‘zaro o‘yinlardagi statistik ma’lumotlari bilan tanishtirib o‘tamiz.

O‘zaro o‘yinlar
Ushbu jamoalar shu paytga qadar chempionat doirasida 11 marta to‘qnash kelishgan. “Lokomotiv” o‘yinlarning 5 tasida zafar quchgan, 5 ta bahsda durang qayd etilgan. Bitta uchrashuvda qo‘qonliklarning qo‘li baland kelgan.

To‘plar nisbati – 21-11, “Loko” foydasiga. O‘zaro o‘yinlarda “temiryo‘lchilar” 20 ochkoni qo‘lga kiritishgan. “Qo‘qon-1912” ochkosi 8 tani tashkil etadi.

Qo‘qondagi uchrashuvlarda qayd etilgan natijalar:
20.09.2019. Qo‘qon-1912 – Lokomotiv - 1:1
09.07.2018  “Qo‘qon-1912” – “Lokomotiv” 1:2
17.05.2017 “Qo‘qon-1912” – “Lokomotiv” 1:1
30.05.2016 “Qo‘qon-1912” – “Lokomotiv” 1:3
16.10.2015 “Qo‘qon -1912” – “Lokomotiv” 2:2

Hakamlar
Coca Cola Superligasi,  24-tur
QO‘QON-1912 - LOKOMOTIV
Hakamlar: Ahrol Risqullayev, Rishat Nugmanov, Doniyor Saylavov, Ibrohim Ismoilov
Nazoratchi: Rashid Aytekov
Komissar: Abbos Ahrorov

Boshlanish vaqtlari
"Qo‘qon-1912" -  “Lokomotiv” -  uchrashuvi, 25 noyabr kuni Qo‘qon shahridagi “Markaziy” stadionida soat 14:30 da start oladi. Bugun esa ushbu jamoalarning o‘rinbosarlari U-21 birinchiligi 24-turida maydonga tushishadi. Mazkur o‘yin Qo‘qon shahridagi 2-BO‘SMga qarashli stadionida soat 14:00 da boshlanadi.