«Inter» futbolchisi Ashraf Hakimiga faoliyatini «Napoli»da davom ettirish uchun bir qancha takliflar bo‘lgan.

Buni rasman futbolchining agenti Alexandro Kamano tasdiqlamoqda: «Ashrafga shu yilning o‘zida "Napoli"dan bir qancha qulay takliflar tushgan edi. Lekin buni uning o‘zi xohlamadi. U "Inter"da ochilishni istamoqda. Men ham o‘z navbatida bu qarorni yoqlab chiqqan bo‘lardim. Hozir uning klubga kirishib ketishi uchun ayni vaqti. To‘g‘ri, Italiya futboli murakkab va chigal. Lekin u o‘zidagi texnikasi bilan muqim o‘rnini topib olishiga ishonaman», - deydi futbolchining agenti.

Eslatib o‘tamiz, Hakimi bu yil yozda «Real»dan 40 million evaziga to‘liq xarid qilindi.

U joriy mavsum «neradzurrilar» safida 10 ta o‘yin o‘tkazgan va 1 ta gol urib, 3 ta assistni qayd etgan.