«Интер» футболчиси Ашраф Ҳакимига фаолиятини «Наполи»да давом эттириш учун бир қанча таклифлар бўлган.

Буни расман футболчининг агенти Алехандро Камано тасдиқламоқда: «Ашрафга шу йилнинг ўзида "Наполи"дан бир қанча қулай таклифлар тушган эди. Лекин буни унинг ўзи хоҳламади. У "Интер"да очилишни истамоқда. Мен ҳам ўз навбатида бу қарорни ёқлаб чиққан бўлардим. Ҳозир унинг клубга киришиб кетиши учун айни вақти. Тўғри, Италия футболи мураккаб ва чигал. Лекин у ўзидаги техникаси билан муқим ўрнини топиб олишига ишонаман», - дейди футболчининг агенти.

Эслатиб ўтамиз, Ҳакими бу йил ёзда «Реал»дан 40 миллион эвазига тўлиқ харид қилинди.

У жорий мавсум «нерадзуррилар» сафида 10 та ўйин ўтказган ва 1 та гол уриб, 3 та ассистни қайд этган.