Kataloniyaning «Barselona» klubi sobiq futbolchisi Kevin-Prins Boateng olti karra "Oltin to‘p" sohibi Lionel Messi bilan birga o‘ynagan davrlarini esladi.
«Barselona»dagi olti oylik davrim ajoyib o‘tgan. Avvaliga, bu taklifga ishonmadim, «Espanyol»dan taklif bo‘ldi degan xayolga borgandim, yo‘q, aynan «Barselona»dan bo‘lgan ekan! Messi bilan o‘tkazgan mashg‘ulotim meni hayron qoldirdi. Men doim Ronaldu dunyoning eng yaxshi futbolchisi deb aytardim, biroq, aslida Messi umuman boshqacha ekan. U g‘ayritabiiy.
Leo bilan mashg‘ulot paytida men o‘zimni faoliyatim mobaynida birinchi marta past his qildim. U aqlbovar qilmas ishlarni amalga oshirgandi. O‘shanda faoliyatimni yakunlayman degan fikr kelgandi!» - dedi Boateng DAZN bilan suhbatda.
